SCIALPINISTICA Kaarspitze/Punta Quaira del 30/12/2010
Ancoi, 30 de dizembre, vist che doman i pù no i poderà vegnir co le pèl, gh'è da organizzar l brindisi de Kepodann en vetta: el Renrav (da sempre astemio) l'ha promess che l tasterà el Braulio en vetta e allor, ne organizzém per bem: porto na boza mi, una l Yenkyy, una l Luca, po' zà che ghe som, trago n tel zaino anca na thermos de Gluehwein... e ... via che gh'è da nar! Partìm col Luca da Trembelem per le 6 e 10, alle 6 e 3/4 sém a S.Michel a tor l Francesco, alle 7 e 1/4 a Bolzan a ricompor le macchine col Teo l Yenkyy e l Nanuq (el caign del Yenkyy) e alle 8 e 1/4 ne trovém a Santa Valburga (Val d'Ultimo) anca co la Pamela el Renrav e la Francesca: ancoi sém propri en bel gruppom! Veloce colaziom al bar/pasticceria endò che la parona, guru dell'Ultental, l'è zà pronta co l'Arva e la ne diss che ancoi la farà la nossa stessa zima: ehehe... l'ha snasà la polver giusta! Sperem! Parcheggià a St.Gertrud ne enviém subit rento per la forestale che porta rento en tel vallom tra la Quaira/Kaarspitze a destra e la cima Trenta/Welscherberg a sinistra. Tre quarti d'ora de forestale a pass regolare (a parte le pause WC de mezzi, che ancoi, tra na pausa e l'altra, vegniria quasi da pensar gh'è n'epidemia de corri corri)... e col Nanuq che ne corre envanti e ndrio a ricompattar l gruppo. Arrivai alla malga l'è zà ora del prim gozét de Braulio e subit ne enfilém su a sinistra per n'ert canal (e quanta nef che gh'è rento!) che ne porta sul pianom sora. Da qi, finalmente ne salta for la zima e con en lonc giro en senso orario, e passà frotte de zent tra cui na vecia balorda che la va lentissima e no se lassa passar, en tel giro de n'ora ne portém sotto la zima che con quatro zete salìm agevolmente: Berg Heil! E qi, l'è el momento della rumba di capondan: braulio, brulè e... l Teo el tira for dal zaino n bozzom da dò litri de birra pastorizzada della Valsugana: diaolopo'... en bozzom de vedro che me digo el peserà altri 3 Kili: el trova sempre el modo de far gamba...oltre che de stupirne... e allor! PROST!!! Che bevua! E anca el Renrav el ghe ciapa subit gusto anca col Braulio! 40 minuti de auguri e la molém sul versante opposto la salita: la parte sora la se alterna tra polver e n po' sventada, ma sotto, l pianoro quando ne ritachém alla traccia de salita, no ghe n'è per nessuni: PULVER!!! E quindi la molém en velocità tra le piante e ritacai alla forestale, en ten blitz sém all'auto: bela sciada, e adess, saludà l Teo che l core a cà a nviar via l foc, ne meritém na bona birraccia e ciopa de Speck co na ciotola de Kren, alla locanda del paess sora...e ne aprofittém anca per copar la boza de Braulio, quindi, tornai a Bolzan col Yenkyy, e riportà l Francesco a Kronmetz, arrivém de volta a Trembelem per le 6: veloci, veloci, che gh'è da sugàr le pèl... doman... gh'è da nar!!!
| Se entra en la Kirchbergtal/val Montechiesa... col Nanuq che da tant che l salta... el par volar! | |
|
E arrivai alla malga, se ghe salta su per el pendio vers n'ert canal... | ...arrivem quindi en campo aperto e passada for la piana, girém a destra... | |
|
...e fra dossi e dossetti, e deventando matti a superar qualche vecia scialpinista ferma en traccia.... | ...con altri 500metri de salita ecco che arrivém en vista della zima... | |
|
Berg Heil! E tra birra pastorizzada, brulè, e Braulio... ghe n'è propri per tutti! Auguri e Prost!!! |
